Womex é un encontro enfocado ao desenvolvemento profesional de músicos, produtores e outras profesións relacionadas. Haberá unha parte aberta á cidadanía. Durante o evento haberá concertos gratuítos en puntos clave da cidade como Pelícano, Parrote, Playa Club, Palexco, Teatro Rosalía de Castro, Teatro Colón e a Filmoteca de Galicia.
O evento contará con 60 artistas de 40 países que defenderán en A Coruña os seus estilos e as súas raíces artísticas. Nos escenarios, que estarán repartidos pola cidade, mostraranse propostas musicais como a de Liraz (Israel e Irán), Symbio (Suecia) ou Ana Carla Maza (Cuba e España). Os seus proxectos son moi variados con toques de jazz, música clásica, afropop e punk.