Bases llegales:
1.- EMPRESA ORGANIZADORA DE LA PROMOCIÓN La empresa HIJOS DE RIVERA, S.A.U con llar social en Pg. Ind. La Grela, c/ José María Rivera Corral, 6 15008 A Coruña y númberu identificativu C.I.F. A15002637 organiza con envís promocional esti sortéu “Sortéu Joaquín Pajarón Edición Asturies 2023” de la marca Estrella Galicia (d’equí p’alantre, “la Promoción”), que se va desendolcar al traviés d’Internet, esclusivu pa usuarios residentes n’España, y mayores d’edá d’alcuerdu colo afitao nel apartáu de condiciones pa participar.
2.-DATA D’ENTAMU Y DATA DE FIN La Promoción va entamar el día 25 d’ochobre del 2023 y va acabar el día 2 de noviembre del 2023 a les 23:59 hores.
3.- REQUISITOS DE PARTICIPACIÓN Y MECÁNICA DE LA PROMOCIÓN Pa optar a los premios, los participantes habrán rexistrase na promoción colos sos datos personales (nome, apellíos, códigu postal y email). Pa rexistrase na promoción van poder facelo al traviés de la landing https://estrellagalicia.es/sorteo-camisetas-asturias-2/. Van poder participar les persones que residan n’España, y seyan mayores de 18 años. L’Organizador acútase’l derechu de descalificar de la promoción a los participantes que nun residan n’España. Los datos personales colos que los participantes rellenen el formulariu d’inscripción habrán ser datos verdaderos. Los Participantes namái van poder inscribise una vegada nesta promoción. Nel casu que se rexistren más d’una vegada, o al traviés de les dos víes de rexistru na promoción, l’Organizador acútase’l derechu a cuntar una única participación, o si non a descalificalos de la promoción.
4.- CONDICIONES DE LA PROMOCIÓN Y PREMIOS Ente tolos participantes que se rexistraren correctamente na landing, van escoyese per sortéu aleatoriu 10 ganadores y 10 suplentes. El sortéu va ser aleatoriu, fechu na plataforma EasyPromos. Easypromos ye una plataforma que garantiza la tresparencia del resultáu del sortéu y como preba d’ello emite un certificáu de validez pa caún de los sos sorteos, que’l so resultáu nun lu pue alteriar l’organizador del sortéu, y que cualesquier usuariu participante pue solicitar al organizador. Cada ganador va obtener como premiu de la promoción “Sortéu Joaquín Pajarón Edición Asturies 2023” un niqui talla L d’Estrella Galicia Edición Especial d’Asturies.
5.- COMUNICACIÓN DEL GANADOR HIJOS DE RIVERA, S.A.U. va comunicar el nome del ganador nun plazu de 24h dende qu’acabe’l plazu de participación en “Sortéu Joaquín Pajarón Edición Asturies 2023” d’Estrella Galicia. Asina mesmo, va facer un contactu directu col ganador per email pa obtener los datos necesarios pa la entrega del premiu. El ganador va cuntar con un plazu d’un máximu de 2 díes naturales a partir del día siguiente a la notificación pa conseñar si acepta o refuga’l premiu. En casu que nun respuenda, que nun cumpla los requisitos de participación o que’l ganador refugue espresamente’l premiu, va pasase al primer suplente per orde d’escoyeta. El suplente va cuntar con un plazu de 2 díes naturales a partir del día siguiente a la notificación pa aceptar o refugar espresamente’l premiu. En casu que nun respuenda nel plazu afitáu, que nun cumpla los requisitos de participación o que refugue espresamente’l premiu, pasaráse al siguiente suplente per orde d’escoyeta, que va cuntar col mesmu plazu p’aceptar o refugar espresamente’l premiu. En escosándose tolos suplentes, el premiu va consideráse ermu. HIJOS DE RIVERA, S.A.U. nun se fai responsable de nun poder contactar col ganador y/o’l suplente y, poro, que nun se-y pueda otorgar el premiu. Del mesmu mou, HIJOS DE RIVERA, S.A.U. va comunicar al públicu en xeneral el nome y los apellíos del ganador na landing del sortéu: https://estrellagalicia.es/sorteo-camisetas-asturias-2/ y al traviés de les redes sociales de Joaquín Pajarón, https://www.instagram.com/joaquin_pajaron/?hl=es.
6.- LLIMITACIONES Si se comprueba que cualesquier de los participantes nun cumple colos requisitos esixíos nes Bases, o si los datos apurríos pa participar nun son válidos, la so participación va considerase nula y van quedar automáticamente escluyíos de la Promoción, perdiendo tou derechu sobre los premios otorgaos en virtú d’esta Promoción. Nun van poder participar na Promoción les siguientes persones: (i) Los trabayadores per cuenta ayena emplegaos en cualesquier de les sociedaes y otres entidaes con personalidá xurídica venceyaes a HIJOS DE RIVERA, S.A.U. (ii) Les persones físiques que participen directa o indirectamente nel capital d’HIJOS DE RIVERA, S.A.U (iii) Cualesquier otra persona física que participara directa o indirectamente na organización d’esta Promoción o que tuviera involucráu directa o indirectamente na so igua o desendolcu (axencia, fornidores, etc.). El premiu entregáu nun va poder tresferise nin cambiase, alteriase o compensase por pidimientu de los Participantes, y nun pue camudase por cualesquier otru productu nin por dineru. HIJOS DE RIVERA, S.A.U. acútase’l derechu, si si ye por causa xusta y con comunicación previa na forma llegal, de facer cualesquier cambéu, suspender o enanchar esta Promoción. Van correr a cuenta y cargu del ganador y/o’l so acompañante cualesquier gastu deriváu de la promoción que nun tea espresamente asumíu por HIJOS DE RIVERA, S.A.U. nes Bases Llegales presentes. Afítase un plazu de 24 hores dende la data de la concesión del premiu, pa facer cualesquier reclamación motivada. HIJOS DE RIVERA, S.A.U. acútase, en casu de necesidá obligada, el derecho de sustituyir el premiu por otru de característiques asemeyaes.
7.- ESPUBLIZAMIENTU DE COMENTARIOS O OPINIONES Nun se van permitir comentarios o opiniones que’l so conteníu se considere inadecuáu, que seyan ofensivos, inxuriosos o discriminatorios o que puedan vulnerar derechos de terceros. Tampoco nun se van permitir comentarios escontra un particular que vulneren los principios de derechu al honor, a la intimidá personal y familiar y a la propia imaxe. Hijos de Rivera, S.A.U. nun se va responsabilizar de los daños ocasionaos polos comentarios que faigan los participantes na Promoción, y qu’en cualesquier momentu puedan firir la sensibilidá d’otros participantes.
8.- ACEPTACIÓN DE LES CONDICIONES DEL SORTÉU La participación na promoción supón l’aceptación plena y incondicional d’estes bases llegales per parte de cada participante. La Organización acútase la posibilidá de cambéu, modificación o cancelación de la presente promoción por causa xusta o fuerza mayor. La Organización nun va ser responsable si por causes ayenes o de fuerza mayor, la promoción nun pue llevase a cau en dalgún de los sos términos especificaos enantes, ensin otra obligación pa los organizadores que l’espublizamientu de la nueva mecánica por medios asemeyaos a los emplegaos pal espardimientu inicial d’esti.
9.- RESPONSABILIDAES La entidá organizadora, Hijos de Rivera S.A.U. queda desimida de cualesquier tipu de responsabilidá: Dende’l momentu que’l ganador acepte’l premiu. L’Organizador nun va ser de nengún mou responsable de los incumplimientos o infracciones de nengún tipu rellacionaos con esta promoción, y desímese de cualesquier tipu de responsabilidá en casu de perda sufrida polos participantes, ganadores y/o los sos acompañantes, en rellación col premiu y los demás aspectos d’esta promoción. El participante desime cualesquier tipu de responsabilidá y va caltener llibre al Organizador y a los sos collaboradores de cualesquier reclamación como consecuencia de los daños y perxuicios, yá seyan físicos o de cualesquier otra mena, que pueda sufrir el ganador y/o los sos acompañantes por cualesquier acción o omisión que nun-yos seya imputable y que pueda esfanar de l’actividá que se va desendolcar col premiu concedíu. Nel supuestu qu’esista daqué error nos datos apurríos pol propiu agraciáu que torgue la so identificación. Del mesmu xeitu, queda llibre l’Organizador de toa responsabilidá en casu de mal Funcionamientu de correos o de la empresa de mensaxería utilizada pol Organizador (espresamente nun se responsabiliza de les posibles perdes, daños, robos o cualesquier otra circunstancia imputable a correos o a la empresa de mensaxería que puedan afectar al unviu del premiu) o de les redes de comunicación telefóniques y/o electróniques que torguen el bon desendolcu de la promoción por causes ayenes a elles y especialmente por actos esternos de mala fe. Por daños y perxuicios de toa triba que puedan tar ocasionaos pola falta temporal de disponibilidá o de continuidá del funcionamientu de los servicios pelos que se participa, al mal usu que los usuarios pudieren facer d’ellos, y en particular, anque non de mou esclusivu, a los fallos nel accesu a les distintes páxines y unvios de respuestes de participación al traviés d’internet, o comunicaciones telefóniques habilitaes pa ello. Del mesmu mou, la entidá organizadora acútase’l derechu a: Modificar o suspender la promoción, siempres que seya por causa xustificada o por motivos de fuerza mayor que torguen llevala a cau, y col compromisu de comunicar cola suficiente antelación les nueves bases y/o condiciones, o nel so casu, l’anulación definitiva. Camudar el premiu por otru d’igual o mayor valor cuando seya por causa xusta o por motivos de fuerza mayor. Aplazar o enanchar el periodu de la promoción, asina como la facultá d’interpretar estes bases llegales. Encurtiar, prorrogar, modificar o cancelar esta promoción, en casu qu’haya circunstancies escepcionales que torguen la so realización, comunicando eses circunstancies de mou que s’evite cualesquier perxuiciu pa los participantes nel sortéu. Eliminar de la promoción por causa xustificada a cualesquier usuariu que defraude, alterie o inutilice’l bon funcionamientu y el trescursu normal y reglamentariu d’esta. La entidá organizadora nun va ser responsable de: Los retrasos, perdes o daños por causes que nun se-y puedan imputar. Cualesquier costu asociáu col premiu o que nun tea específicamente incluyíu nel premiu. De los casos de fuerza mayor que puedan torgar al ganador l’esfrute total o parcial del so premiu. Del mesmu mou, va quedar llibre de toa responsabilidá en dalgún de los casos conseñaos, asina como de cualesquier responsabilidá polos daños y perxuicios que puedan asoceder nel tiempu d’esfrute del premiu.
10.- PROTECCIÓN DE DATOS PERSONALES Acordies colo previsto nel Reglamentu Xeneral de Protección de Datos européu, infórmase que los datos de calter personal van tar trataos por Hijos de Rivera, S.A.U., que la so información identificativa completa apaez na testera d’estes Bases. Los datos personales del usuariu atropaos al traviés de los formularios de participación correspondientes van utilizase pa xestionar la so inscripción nesta iniciativa acordies colo conseñao nes Bases. El tratamientu de los sos datos ye necesariu pal desendolcu y execución de l’acción, siendo esta la base llegal que llexitima’l mentáu tratamientu. Los datos van conservase tol periodu de desendolcu d’esta y, entá dempués, el tiempu necesariu pa poder responder a posibles reclamaciones de los participantes. Va solicitase información amestada al ganador y va poder cedese información a entidaes collaboradores pa xestionar la puesta a disposición del premiu. Hijos de Rivera, S.A.U va poder dar publicidá a la identidá del ganador al traviés de los sos activos web y/o cuentes nes redes sociales col envís de dotar de tresparencia a la iniciativa. Del mesmu mou, Hijos de Rivera, S.A.U va utilizar la información de contactu proporcionada pa unvia-y comunicaciones sobre eventos y acciones d’Estrella Galicia y otres marques rellacionaeas, siendo la base llegal que llexitima’l tratamientu l’interés llexítimu del organizador y calteniéndose l’unviu mentes l’interesáu nun manifieste’l so refugu. Los participantes tienen derechu a obtener confirmación sobro si se ta procediendo al tratamientu de datos personales de so, a acceder a los sos datos personales, asina como a solicitar la rectificación de los datos inexactos o, nel so casu, solicitar el so desaniciu cuando, ente otros motivos, los datos yá nun seyan necesarios pa les fines que foron recoyíos. En delles circunstancies, los interesaos van poder solicitar la llimitación del tratamientu de los sos datos o refugar el so tratamientu, y nesti casu namái se van conservar pal exerciciu o la defensa de reclamaciones. Pa ello, los usuarios van poder empobinar una comunicación per escritu al Comité de Protección de Datos, José María Rivera Corral, 6, 15008 A Coruña o a la dirección de corréu electrónicu protecciondedatos@hdriv.es, incluyendo n’entrambos los dos casos una fotocopia del documentu nacional d’identidá o documentación acreitativa equivalente. Nel casu que nun vea satisfechos los sos derechos, los usuarios tienen derechu a presentar una reclamación énte l’Axencia Española de Protección de Datos.
11.- NORMATIVA FISCAL Los premios van quedar suxetos a la retención o ingresu a cuenta que correspuenda acordies cola normativa fiscal vixente. Nos casos que correspuenda, esta retención o ingresu a cuenta va asumilo l’Organizador, que va ingresar na Axencia Tributaria la cantidá correspondiente unviando al ganador/es el certificáu correspondiente colos datos del premiu y de la retención o ingresu a cuenta aplicáu.
12.- LLEI APLICABLE Y XURISDICCIÓN COMPETENTE Esta Promoción y les sos Bases mándense pola llexislación española. Pa la resolución de cualesquier controversia o llitixu que pueda surdir tocantes a esta Promoción, y/o a la interpretación o execución d’estes bases llegales, tanto l’Organizador como los Participantes arrenuncien al fueru que pueda corresponde-yos y sométense espresamente a los Xulgaos y Tribunales de la ciudá d’A Coruña.