As Estrelas do Camiño

O pintor e muralista británico David Speed é o artista invitado para estampar todo o seu talento nesta nova galería. A través da súa obra e da forza que transmite a súa particular paleta de cores, David inmortaliza e pon en valor persoas tan distintas como Heather, Teté, José Carlos, Rocío e Manuel. Convidámoste a descubrir cos teus propios ollos como todas estas Estrelas logran transmitir «algo especial» e se unen e inmortalizan nestes grandes retratos que nos guían nesta ruta do Camiño a Santiago.

Da man de Mon Devane quixemos render homenaxe a toda unha sociedade que, durante xeracións, se prestou a axudar e acoller aos peregrinos que, día tras día, ano tras ano, pasan polas súas casas, aldeas e vilas. Unha tradición que resistiu o paso do tempo e segue viva hoxe en día. Unha maneira de ser, unha filosofía de vida que probablemente sexa a principal causante do recoñecemento e a dimensión internacional que ten o Camiño na actualidade.