Xosé Luís tras unha educación infantil na escola unitaria da súa aldea en Albá (Lugo), como a grande maioría da mocidade da súa contorna, decide emigrar escollendo as Illas Canarias como destino.
Unha vez alí, chega a apreciar aquilo que deixou atrás, o que o leva a voltar ao ano seguinte para emprender un proxecto de seu: Arqueixal. Un espazo que propón un medio rural totalmente sostible, desde o punto de vista ecolóxico, económico e social.
Arqueixan comézase a poñer en marcha no 1990 e desde entón non parou de expandirse, de ampliar o seu catálogo de produtos propios e autóctonos, ademais de actividades e experiencias culturais nunha contorna única ata o día de hoxe.
