Milagros González

Pementeira e presidenta da cooperativa de produtores da DOP «Pemento de Herbón». Milagros é quen de distinguir os pementos que pican dos que non pican cunha simple ollada ou con só rozar cos dedos a súa fina pel. Reivindica os pementos de Herbón como os auténticos, os orixinais, do que coñecemos como pementos de Padrón, posto que se lles chama así aos pementos deste tipo que se plantan en moitos outros lugares, pero podémosvos asegurar que como os de Herbón, en ningunha parte.