Isidro Pardo Varela inquedo de nacemento, xa de neno encantáballe o campo. Con tan só catorce anos comezou a traballar nunha pequena central hidroeléctrica e no 1963 contrátano na Central Hidroeléctrica de Portodemouros, onde foi adquirindo responsabilidades ata se converter en subxefe central ata a súa xubilación no 2001.
Paralelamente, o seu interese polas abellas foise intensificando para acadar unha vida plenamente vencellada á apicultura. Decide mercar unha finca e dedicar o seu tempo libre a crear “O enredo do Abelleiro”, que máis tarde pasa a ser “O Museo Vivente do Mel”, inaugurado no 1994.
A súa admiración e cariño polas abellas, así como o mundo que as rodea, transmitiuse á súa familia e desta a tódolos visitantes que queiran coñecer non só ás labores de recolleita do mel, senón tamén do seu coidado e protección.
