Edición especial – Celta

Adicado ao mago de Moaña, o príncipe das bateas, que dende os 9 anos forma parte do xuvenil do club e que se converteu no máximo goleador da súa historia, representativo dos valores e da cultura do equipo.

Vlado, o tanque bosnio. Non podía faltar nesta homenaxe o goleador nato que tanta alegría trouxo ao club. Este galego de adopción, cun enorme sorriso, foi xogador, adestrador e agora delegado do Celta, sen dúbida un emblema para a afección.

Un dos mellores xogadores galegos da historia, o único que conseguiu o título de máximo goleador co Celta, heroe dun ascenso épico na 2ª tempada do club. Un histórico dianteiro Manuel Fernández, Pahíño, do que tamén se cumpriron 100 anos dende o seu nacemento e que, sen dúbida, merece formar parte desta homenaxe.

“Cañete”, o Dragón de Puertollano elixido pola afección como porteiro para este histórico 11, gañou co club un épico Trofeo Zamora na tempada 92-93 e foi eloxiado pola afección tras converterse no heroe da selección naquela tempada en un partido de clasificación.

Un xogador mítico que non esquece os seus inicios con tan só 13 anos na Madroa. O xogador xuvenil que é unha figura internacional, embaixador do centenario, difunde os valores do club por onde vai, non en balde, é un dos favoritos da afección.

O “Negro” Cáceres, emblema do equipo que deslumbraba hai dúas décadas, formou parte do equipo entre 1998-2004 e formou parte da lendaria defensa do Celta. Unha recompensa aos 264 partidos nos que vestiu a camiseta celeste e converteuse no ídolo da afección que hoxe o lembra con emoción.

Mariñeiro, xogador galego e local que capitaneou máis de 100 veces na primeira división. Dende os seus inicios na Madroa converteuse nunha lenda viva do club, sendo un dos xogadores que máis partidos oficiais disputou co equipo vigués con 398.

Hai máis de medio século comezou a escribirse a lenda do Gran Capitán. Din que era todo orgullo e loita. 17 tempadas co equipo. Dende os 6 anos colouse no estadio para ser posteriormente un central de presenza maxestuosa que marcou goles decisivos. É o xogador que máis veces vestiu a elástica celesto cun total de 466 partidos.

O “Zar” ruso chegou aos 27 anos como fichaxe estrela, e permaneceu oito tempadas imparables en Balaídos. Unha peza imprescindible no EuroCelta que marabillou nos anos 90, un xogador con carácter que a grada lembra con moito cariño. Un dos favoritos dos siareiros celestes.

“O Rei” fixo as delicias da afección celeste durante catro tempadas co equipo. A estrela brasileira deleitou ao público coa súa versatilidade e capacidade técnica, adaptouse moi rápido á cidade e converteuse nunha lenda para os celestes.

Non podía faltar Valeri Karpin, un xogador estonio-ruso que brilou como centrocampista ofensivo durante cinco anos e converteuse nun dos grandes heroes do Eurocelta. Moi querido pola afección, formou parte dun dos mellores equipos da historia do club.

Sempre ao lado do club nos bos momentos e nos non tan bos, os seareiros celestes merecían ter unha homenaxe. Ese xogador número 12 que sempre é tan necesario e que da folgos ao equipo cando máis se necesitan. Una afección que, no ano do Centenario, suma más de 20.000 socios, pero que ten moitos máis seareiros espallados polo mundo adiante. Un exemplo de fidelidade ao club. Sempre Xuntos!